01
وزني كان حوالي 137 كيلو، وكنت أستحي أطلع من البيت، وحتى كنت ألبس جاكيت صوف بالصيف عشان أخبي حالي.
نزلت وطلعت، تحمّست وتعبت، فشلت كثير، أحبطت كثير، وما خلّيت إشي إلا وجرّبته...
قبل ما يكون في ملا لايف... كان في رامي.
02
النزول كان جزء من الطريق. كلنا منقدر ننزل، بس الأصعب كان ألاقي طريقة أحافظ فيها للمدى البعيد.
03
واليوم، صارلي عشر سنين محافظ على وزني، باكل كل إشي بدون حرمان وتقييدات زايدة..
04
من شخص يستحي يطلع من البيت، لشخص بيشارك تجربته ومعرفته مع أكتر من 900 الف متابع.
وقلت: كل حدا مفكّر إنه ما في أمل، لازم يعرف إنه في امل. الطريق ممكن يكون أريح وأحلى مما متخيّل... وقصّتك ممكن تلهم غيرك.
المشكلة مش فيك انما بالبرامج المملة الدارجة يلي الكل بتبعها..
05
بلّشت بطريق الهندسة، وبعدين اخترت أدرس التغذية. جمعت اللي عشته مع اللي تعلّمته... ومن هون بلّشت ملا لايف.
رامي ملا
أخصائي تغذية ومؤسّس ملا لايف
- فوق 900 الف متابع على مواقع التواصل الاجتماعي
- لقب أول بالتغذية من كلية تل حاي
- تدريب عملي بمستشفى لنيادو
- مرخّص من وزارة الصحة
- 11 سنة خبرة بالتغذية
